Coimisiún Von der Leyen 101

Ó thús an tsainordaithe seo, tá obair déanta ag an gCoimisiún Eorpach, faoi cheannaireacht Ursula von der Leyen, chun beart a dhéanamh de réir a bhriathair agus an tAontas Eorpach a dhéanamh níos glaise, níos digití agus níos cothroime. Ag an am céanna, tá sé ag déileáil le himeachtaí stairiúla a raibh tionchar acu ar shaol go leor Eorpach – paindéim an choróinvíris agus cogadh na Rúise i gcoinne na hÚcráine.

Leis an tráth na gceist seo, is féidir leat breathnú siar ar a bhfuil ar siúl ag an gCoimisiún le trí bliana anuas. Tástáil an t-eolas atá agat ar na príomhthionscnaimh a chuir an Coimisiún ar aghaidh chun na gealltanais a thug sé a chomhlíonadh ó thús an tsainordaithe agus ar conas a chuaigh sé i ngleic leis na dúshláin sin nach bhfacthas a leithéid riamh roimhe seo.